ರೀಲ್ಸ್

ಹಿತ ಮಿತ ಸೂಕ್ತ

ರೀಲ್ಸ ನೋಡದ ಜನರೇ ಇಲ್ಲ ಎಂಬಷ್ಟರ ಮಟ್ಟಿಗೆ ಸಾಮಾಜಿಕ ಜಾಲತಾಣದಲ್ಲಿ ತುಂಬಿ ಹೋಗಿರುವ ಈ ಚಿಕ್ಕ ವಿಡಿಯೋ ತುಣುಕುಗಳು, ಒಂದರ ಹಿಂದೆ ಒಂದು ಸರಪಟಾಕಿಯಂತೆ ಬರುತ್ತಲೆ ಇರುತ್ತವೆ. ಒಮ್ಮೆ ಇಂಟರ್ನೆಟ್ ಸ್ಪರ್ಶವಾದರೆ ಸಾಕು  ನಾ ಮುಂದೆ ತಾ ಮುಂದೆ ಎಂದು ಅದೆಷ್ಟೋ ಕೋಟಿ ರೀಲ್ಸಗಳು ನಮಗೆ ದೊರೆಯುತ್ತವೆ.

ಟಿಕ್ ಟಾಕ್ ಬ್ಯಾನ್ ಆದ ನಂತರ ಅದಕ್ಕೆ ಪರ್ಯಾಯವಾಗಿ ಅತಿ ಹೆಚ್ಚಾಗಿ ಬಳಕೆಯಾಗುತ್ತಿರುವ ಒಂದು ಉಪಕ್ರಮ ಇದು. ಯಾವುದೇ ವಯಸ್ಸಿನ ಮಿತಿ ಇಲ್ಲದೆ ಎಲ್ಲರೂ ಈ ರೀಲ್ಸನ ಹುಚ್ಚು ಅಭಿಮಾನಿಗಳಾಗುತ್ತಿದ್ದಾರೆ. ಕೆಲವರು ರೀಲ್ಸ ಮಾಡುವವರಾದರೆ ಇನ್ನು ಕೆಲವರು ಅದರ ವೀಕ್ಷಕರು ಒಟ್ಟಿನಲ್ಲಿ ಒಂದಲ್ಲ ಒಂದು ತರದಲ್ಲಿ ನಾವೆಲ್ಲಾ ಸಂಭಂದಿಕರೇ ಆಗಿದ್ದೇವೆ.

ಜನಪ್ರಿಯತೆ ಪ್ರಶ್ನೆ ಕೆಲವರದ್ದಾದರೆ ತಮ್ಮ ಖುಷಿಗೆ ತಾವು ರೀಲ್ಸ ಮಾಡುವ ಮಂದಿ ಎಷ್ಟೋ ಇದ್ದಾರೆ. ನೂರು, ಸಾವಿರ ಮತ್ತು ಮಿಲಿಯನ್ಗಟ್ಟಲೆ ವೀಕ್ಷಣೆಹೊಂದುವ ರೀಲ್ಸಗಳು ನಮ್ಮ ಎದುರಿವೆ. ಒಂದು ಎರಡುಗಂಟೆಗಳ ಸಿನಿಮಾಗಳು ಸಹ ಕೆಲವೊಮ್ಮೆ ಇಷ್ಟು ವಿಕ್ಷಣೆಹೊಂದುವಲ್ಲಿ ಸೋತಿರಬಹುದು. ಆದರೆ ಈ ಕ್ಷಣ ಮಾತ್ರದ ವಿಡಿಯೋಗಳು ಆ ಸ್ಥಾನವನ್ನು ಕೆಲವು ಬಾರಿ ಗಿಟ್ಟಿಸಿಕೊಳ್ಳುತ್ತವೆ.

ಇದರಲ್ಲಿ ಟ್ರೆಂಡ್ ಸೆಟ್ಟಿಂಗ್ ಎನ್ನುವ ಅಂಶ ಕಂಡುಬರುತ್ತದೆ. ಒಂದು ಹಾಡು, ಒಂದು ಉಡುಗೆ, ಒಂದು ಮಾತು ಇದರ ಪುನರಾವರ್ತನೆ ಅಥವಾ ಅನುಕರಣೆಯೇ ಈ ವಿಡಿಯೋದ ಮೂಲ ವಸ್ತು ಆಗಿರುತ್ತದೆ. ಇದರಿಂದ ಎಷ್ಟೊ ಜನರು ಸ್ಟಾರ್ ಗಳಾಗಿದ್ದಾರೆ. ಡಬ್ಬಿಂಗ್ ಮಾಡುತ್ತಾರೆ. ಈ ಸಮಾಜದಲ್ಲಿ ಎಲ್ರೂ ನಟರಾಗೋಕೆ ಆಗಲ್ಲ ನಟರಾಗುವ ಅಂಶ ಇದ್ರು ಅವಕಾಶ ಸಿಕ್ಕಿರೋದಿಲ್ಲ. ಅಂಥವರಿಗಿದು ಉಪಯುಕ್ತ. ಇನ್ನು ಕೆಲವೊಮ್ಮೆ ಕಾಲಹರಣ. ಬಳಕೆಯಲ್ಲಿ ಹಿತ ಮಿತ ಇದ್ದರೆ ಎಲ್ಲವೂ ಸೂಕ್ತ.

ಸುಮಾ.ಕಂಚೀಪಾಲ್