ಮಳೆಹನಿ

ಮಳೆ ಇದೊಂದೇ ಪದ ಸಾಕು ಅಲ್ವಾ ಮನಸ್ಸಿಗೆ ಖುಷಿ ಕೊಡೋದಕ್ಕೆ, ಇದು ಎಷ್ಟೋ ಜನರ ಹಂಬಲ ಆಗಿರತ್ತೆ. ಪ್ರಕೃತಿನ ಯಾರು ಜೀವಸ್ತಾರೋ ಅವರಿಗೆ ಇದು ಹಬ್ಬ ಅಂತಾನೆ ಹೇಳ್ಬಹುದು. ಎಷ್ಟೋ ಜನ ಈ ಮಳೆ ಯಾಕಾದ್ರೂ ಬಂತಪ್ಪಾ ಅಂತ ಅಂದ್ಕೊಳೋರು ಇರ್ತಾರೆ, ಪ್ರಪಂಚ ಅಂದ್ರೆ ಹಾಗೆ ಅಲ್ವ ಎಲ್ಲ ರೀತಿಯ ಜನರೂ ಇರ್ತಾರೆ.

ಇದನ್ನ ನಾನ್ ಬರಿಬೇಕಾದ್ರೆ ನಂಗ್ ಆಗ್ತಾ ಇದ್ಯಲ್ಲ ಆ ಅನುಭವನ ಅನುಭವಿಸಿ ಬರೀತಾ ಇದೀನಿ. ಒಂದ್ಕಡೆ ಹಕ್ಕಿಗಳ ಚಿಲಿಪಿಲಿ, ಇನ್ನೊಂದ್ ಕಡೆ ಕಪ್ಪೆಗಳ ಸದ್ದು, ಮೊದಲನೇ ಸಲ ನೋಡೋರಿಗೆ ಇದು ಕಿರಿಕಿರಿ ಇರಬಹುದು, ಅದೇ ವಾತಾವರಣದಲ್ಲಿ ಇರುವವರಿಗೆ ಅದು ಸಾಮಾನ್ಯ.
ನಮ್ಮ ಮನೆ ಇರೋದು ಇದೆ ಪ್ರಕೃತಿಯ ಮಡಿಲಿನಲ್ಲಿ ಸುತ್ತಮುತ್ತ ಬೆಟ್ಟ ,ಮನೆಮುಂದೆ ಹಳ್ಳ,ಗದ್ದೆ,ತೋಟ. ಇದೇ ನಂದೊಂದು ಪುಟ್ಟ ಪ್ರಪಂಚ. ಮಳೆಗಾಲ ಬಂತು ಅಂದ್ರೆ ಗದ್ದೆ ಹೂಡೋದು, ನೆಟ್ಟಿ ಇದೆಲ್ಲ ಎಸ್ಟ್ ಚಂದ ಅಲ್ವಾ?
ನಾವು ಹೈಸ್ಕೂಲಿಗೆ ಹೋಗೋವಾಗಿಂದ ಬೇರೆಕಡೆ ಉಳಿದುಕೊಂಡು ಹೋಗ್ಬೇಕಾಗಿತ್ತು. ಆಗ ನಾವು ಮನೆನ ತುಂಬಾ ಮಿಸ್ ಮಾಡ್ಕೋತಾ ಇದ್ವಿ, ಶನಿವಾರ ಯವಾಗಪ್ಪ ಬರತ್ತೆ? ಯಾವಾಗ ಮನೆಗ್ ಹೋಗ್ತೀವಿ? ಅಂತ ಯೋಚನೆ ಆರಂಭವಾಗ್ತಾ ಇತ್ತು. ಎಸ್ಟ್ ಮಜಾ ಅಲ್ವಾ, ಮನೆಯಿಂದ ಹೊರಗಡೆ ಇದ್ದವರಿಗೆ ಮಾತ್ರ ಅದು ಗೊತ್ತಾಗೋದು.

ಮಳೆ ತುಂಬಾ ಜೋರಾಯ್ತು ಅಂದ್ರೆ ರಜೆ ಕೊಡ್ತಿದ್ರು ಆಗ ನೋಡ್ಬೇಕು ಮಕ್ಕಳ ಖುಷಿನಾ. ನನ್ ತಮ್ಮ ತಂಗಿ ಎಲ್ಲ ಕುಣ್ದೇಬಿಡ್ತಾ ಇದ್ರು, ಅದನ್ನ ನೋಡಕ್ಕೆ ಒಂತರ ಚಂದ.
ಮಳೆ ಅಂದ್ಮೇಲೆ ಉಂಬಳ ಇರ್ಲೆ ಬೇಕಲ್ವಾ? ಪೇಟೆ ನಿವಾಸಿಗರು ಅಥವಾ ಘಟ್ಟದ ಮೇಲಿನವರು ಅಂದ್ರೆ ಬಯಲುಸೀಮೆಯವರಿಗೆ ನೀರು ಕಾಣಲಿಕ್ಕೆ ಸಿಗೋದು ಪ್ರವಾಸಕ್ಕೆ ಅಂತ ಮಲೆನಾಡಿಗೆ ಬಂದಾಗ ಆಗ ಅವರಿಗೆ ಈ ಉಂಬಳಗಳ (ಜಿಗಣೆ) ಪರಿಚಯ ಆಗೋದು ಇದು ಹೆಚ್ಚಾಗಿ ನೀರಿರುವಂತಹ ಸ್ಥಳಗಳಲ್ಲಿ ಇರತ್ತೆ. ತುಂಬಾ ಜನ ಇದನ್ನ ನೋಡಿ ಹೆದರುತ್ತಾರೆ.

ಇಂಥ ಅನುಭವ ನಿಮಗೂ ಆಗಿದ್ಯಾ?
ನನ್ನ ಅಜ್ಜನ ಮನೆ ಇರೋದು ಒಂದು ಫಾಲ್ಸ್ ಹತ್ತಿರದಲ್ಲೇ ಅಲ್ಲಿ ತುಂಬಾ ಜನ ಪ್ರವಾಸಿಗರು ಬರ್ತಾ ಇರ್ತಾರೆ. ದಿನ ಅದೇ ಪರಿಸರವನ್ನ ನೋಡೋರಿಗೇ ಅದೇನು ವಿಶೇಷ ಅನ್ಸೋದಿಲ್ಲ ಆದ್ರೆ ಟೂರಿಸ್ಟ್ಸ್ ಬರುತ್ತಾರಲ್ಲ ಅವರ ಕಣ್ಣಲ್ಲಿ ಕಾಣೋ ಖುಷೀನ ಎಲ್ಲೂ ನೋಡಕ್ ಸಿಗಲ್ಲ.
ಮಳೆ ಅಂತ ಒಂದ್ ಶಬ್ದ ಕೇಳ್ದಾಗ ನಿಮ್ ತಲೇಲಿ ಎನೋಡುತ್ತೆ?

ಕಮೆಂಟ್ ಮಾಡಿ

- ಪ್ರಗತಿ ಭಟ್

bhatpragati2706@gmail.com

ನೀವು ಬರಿತೀರಾ?