ಸುಕಂ

ಅವಧಿ   ಆಸೆ . ತನ್ನ ವಲಯದ ಹೊರಗೆ ನಿಂತಿದ್ದ ಅವಳಿಗೆ ಅವನದೇ ಚಿಂತೆ ಅವನಂತೋ ಬಿಡಿ ಮೂತ್ರ ಗುರುತು ರೇಖೆ ಎಳೆದ ನಾಯಿಯಂತೆ ತನ್ನದ್ದನ್ನು ಬಿಟ್ಟು ಕದಲದ ಜಾಯಮಾನ ಇವಳಿಗೆ ಅವಮಾನ ಅವನಾಸೆಯ ಸತ್ತ ಹೆಣಗಳು ಇವಳಲ್ಲಿ ಕೊಳೆಯುತ್ತಿದ್ದರೂ ಇವಳಿಗೆ ಕಾಣಿಸುವುದು ಅವನದೇ ಸರೋವರ ತನ್ನ ಬಯಕೆಯ ಹಡಗು ಆದರೆ.. ಇವಳ ಕಣ್ಣಲ್ಲಿ ಕಂಡ ಆಸೆಯ ಮೀನನ್ನು ಅವನು ತನ್ನ ಗಾಳಕ್ಕೆ ಬಲಿಯಾಗಿಸಿದ್ದ ಸುಮಾ.ಕಂಚೀಪಾಲ್

ನಾನು ಓದಿದ್ದು ಹೀಗೆ - 'ಝಿಪ್ಪಿಗ್ರಫಿ' ಝಿಪ್ಪಿಗ್ರಫಿ ಹೆಸರೊಂತರ ಚನಾಗಿದೆ, ಕೇಳೊಕೆ ಸೇಮ್ ಸಿನಿಮಾ ಹೆಸರಿನ‌ಹಾಗಿದೆ ಅಂತ ಎಷ್ಟೋ ಜನ‌ ಈ ಪುಸ್ತಕದ ಕುರಿತು ಮಾತಾಡ್ತಾ ಇದ್ರು. ಶೃತಿ ಜೈನ್ ಅವರು ಬರೆದ ಈ ಪುಸ್ತಕ ಶ್ವಾನ ಪ್ರೇಮಿಗಳಿಗೆ ಬಹಳ ಹಿಡಿಸುವ ಪುಸ್ತಕ ಅಂತಲೂ ಸುದ್ದಿಯಲ್ಲಿತ್ತು. ಕುತೂಹಲದಿಂದ ಓದಿದಾಗ ಇದು ಕೇವಲ ಶ್ವಾನ ಪ್ರಿಯರಿಗಷ್ಟೇ ಅಲ್ಲ ಎಂಬ ಸತ್ಯ ಅರಿವಿಗೆ ಬಂತು. ಝಿಪ್ಪಿಯ ದಿನಚರಿ ಅದರೊಟ್ಟಿಗೆ ಕಳೆದ ಸಮಯದ ವಿವರಣೆಗಳನ್ನು ಹೊರತುಪಡಿಸಿ ಕೆಲವು ವೈಜ್ಞಾನಿಕ ವಿಷಯಗಳೂ ಸಹ ಈ ಪುಸ್ತಕದಲ್ಲಿ ಅಡಕವಾಗಿದೆ ಎಂಬ ವಿಷಯ ಯಾವ ಓದುಗರ ಅಭಿಪ್ರಾಯದಲ್ಲೂ ನಾನು ಕೇಳಿರಲಿಲ್ಲ. ನಾನೇ ಸ್ವತಃ ಓದಿದ ನಂತರ ಶ್ವಾನಗಳ ಕುರಿತು ಎಷ್ಟೋ ಗೊತ್ತಿಲ್ಲದ ವಿಚಾರಗಳು ಸುಲಭವಾಗಿ ಉದಾಹರಣೆ ಸಹಿತವಾಗಿ ಅರ್ಥವಾಗುವಂತ ಸರಳ ಪುಸ್ತಕ ಝಿಪ್ಪಿಗ್ರಫಿ. ಲಾಬ್ರಿಡಾರ್ ರಿಟ್ರೀವರ್ ಎಂಬ ತಳಿ ಇಂಗ್ಲೆಂಡ್ ಮತ್ತು ಅಮೇರಿಕದಲ್ಲಿ ಮೊದಲು ಇದ್ದದ್ದು ಮತ್ತು ಲೆಬ್ರಿಡಾರ್ ಎಂಬುದು ನಾಯಿಗೂ ಮೊದಲು ಒಂದು ಊರಿನ ಹೆಸರು ಎಂಬುದು ವಿಶೇಷ.  ಸೂಕ್ಷ್ಮ ಮತಿ, ಚತುರತೆ, ಬೇಟೆಗಾಗಿ ಮತ್ತು ಮೀನುಗಾರು ಬಳಸುತ್ತಿದ್ದ ಸ್ನೇಹಪರ ಪ್ರಾಣಿಗಳೆಂದರೆ ಅವು ಲ್ಯಾಬ್ರಿಡಾರ್‌ಗಳು. ತಮ್ಮನ್ನೇ ಪ್ರೀತಿಸಬೇಕು ಎಂಬ ಚಿಕ್ಕ ಸ್ವಾರ್ಥದೊಂದಿಗೆ ಮೊಬೈಲ್‌ಗಳನ್ನು ಇವು ದ್ವೇಷಿಸುತ್ತವೆ. ಅದರಲ್ಲೂ ಜನರನಡುವೆಯೇ ಇರ ಬಯಸುವ ಈ ಸ್ನೇಹಜೀವಿ ಝಿಪ್ಪಿಯೊಬ್ಬಳೇ ಕೆಲ ಕಾಲ ಒಂಟಿ...

ದೃಷ್ಟಿ ಸೂಚಿ ರೆಕ್ಕೆ ಚಾಚಿ  ಹಾರಬೇಕು ಹಸಿರ ಕಡೆಗೆ. ಕಂದು ಬಣ್ಣದ ಒಡಲು ಇದು ಸಡಿಲಗೊಳಿಸಿ ಅರಳಿದವಳು ನೀನು. ಅರಳಿನಿಂತ ಕೆಂಪು ಚಲುವೆ ಅದರ ಒಳಗು ಬಿಳಿಯ ಕುಸುಮ ತಿಳಿಹಸಿರು ಎಳೆಬಿಸಿಲು. ತುಳಸಿದಳ  ಚಿತ್ರ - ಸಾಲು  ಸುಮಾ.ಕಂಚೀಪಾಲ್

ಬರ್ರಪ್ಪಾ ಎಲ್ರೂ ಡಾನ್ಸ ಮಾಡಿ.  ಒಂದಾದ ಮೇಲೊಂದು ಮಾಡೋಣ.  ಅಯ್ಯೋ ಗಲಾಟೆ ಮಾಡ್ಬೇಡಿ  ಎಂದು ಒಂದಿಬ್ರು ಕೂಗಿದರೆ ಮತ್ತೊಂದಷ್ಟು ಜನ ಗುಂಪುಗುಂಪಲ್ಲಿ ಪ್ರಾಕ್ಟೀಸ್ ನಿರತರಾಗಿರ್ತಾರೆ. ಅದರದೇ ಚರ್ಚೆ ಅದರದ್ದೇ ಗಲಾಟೆ ಒಟ್ಟಿನಲ್ಲಿ ಎಲ್ಲಾ ಕಪ್ಪೆಗಳನ್ನು ಒಂದೇ ಕೊಳಗದಲ್ಲಿ ಕುರಿಸೋಕೆ ಸಾಧ್ಯಾನೆ ಆಗ್ತಿರಲಿಲ್ಲ. ಆದರು ಕದನಗಳ ನಂತರ ಒಂದು ಒಗ್ಗಟ್ಟು ಬಂತು ನಮ್ಮ ಕ್ಲಾಸಿನ ಜನಕ್ಕೆ.  ಹುಡುಗರಿಗೆಲ್ಲ ಕುಣಿತದ ಉಮೇದಿ ಇದೆ ಆದ್ರೆ ಅವರು ಹೇಳಿದ ಹಾಗೆ ಅವರ ಕೈ ಕಾಲು ಆಡೋಲ್ಲ ಅನ್ನೋದೆ ಅವರ ಸಮಸ್ಯೆ. ಕೊನೆಗೆ ಕೈ ಕಾಲು ಆಡಿದ ತರವೇ ಅವರು ಕೇಳಿಕೊಂಡು ತೊಂಡೆಕಾಯಿ ಬೆಂಡೆಕಾಯಿ ನಿತ್ಯ ಹಸಿರಾದ ಮಕ್ಕಳ ಹಾಡಿಗೆ ಸ್ಟೆಪ್ ಹಾಕೇ ಬಿಟ್ರು.  ಇನ್ನು ಒಂದು ಮಾನವನ ನಿರಂತರ ಜೀವನ ಚಕ್ರದ ಕುರಿತು ನೃತ್ಯ ರೂಪಕದ ಮೂಲಕ ಸಾಬೀತು ಪಡಿಸುವ ಇಚ್ಚೆ ನಮಗಿತ್ತು ಅದರಂತೆ ನಾವೊಂದಿಷ್ಟು ಜನ ಸೇರಿ ಸಕಲ ಸಿದ್ದತೆಗಳನ್ನು ಮಾಡಿಕೊಂಡಾಯ್ತು. ಬಾಲ್ಯ, ಯವ್ವನ, ಗ್ರಹಸ್ತಾಶ್ರಮ - ಪಂಚೇಂದ್ರಿಯಗಳ ನಿಗ್ರಹ, ವಾನಪ್ರಸ್ತ, ಹೀಗೆ ಎಲ್ಲ ಸನ್ನಿವೇಶಗಳನ್ನು ಒಂದೊಂದಾಗಿ ಜೋಡಿಸಿ ಹೆಣೆದ ಸುಂದರ ಜಡೆಯಾಯ್ತು ನಮ್ಮ ರೂಪಕ.  ಇನ್ನೇದು ವೇದಿಕೆ ಹತ್ತೋಕೆ ಅರ್ಧ ಗಂಟೆ ಇದೆ ಎನ್ನುವಾಗ ನಮ್ಮ ಹೊಟ್ಟೆಯೊಳಗೆಲ್ಲ ಪಾತರಗಿತ್ತಿಗಳ ಸಂಚಲನ ಪ್ರೋಪರ್ಟಿ ಸೆಟ್ಟಪ್ ಮಾಡುವ ಗಡಿಬಿಡಿ ಆರಂಭವಾಗಿಬಿಟ್ಟಿತ್ತು. ಎಲ್ಲರೂ ಹೊಸ ಉಡುಪು ಹಾ...

ದೀಪವಾಗಿಸು, ಜೀವ ಜ್ಯೋತಿ ಹೊತ್ತಿಸು ಉರಿಸಿ ಹರಸು ಬಾಳ ಹರಿಸು ಬೆಳ್ಳಿ ಬೆಳಕ. ದರ್ಪಣದ ಪ್ರತಿಫಲನ ಕೆಂಪು ಜ್ವಾಲೆ ಸುತ್ತ ಹೊತ್ತಿಹುದು ನಿನದೆ ಛಾಯೆ. ದರ್ಪಣದಿ ಕಂಡೆ ಹರಿ - ಗೋಪಿ ಮೊಗವ. ಕಪ್ಪು ಕಣ್ ಕಾಡಿಗೆಯ ಕಸ್ತೂರಿ ಚಂದ ತಿಲಕವ. ನಿತ್ಯ ಆಭರಣ ದೃಷ್ಟಿ ಸಂಚಲನ ಸತ್ವ ಅಭಿನಮನ. ಚಿತ್ರ - ಸಾಲು ಸುಮಾ.ಕಂಚೀಪಾಲ್

ಹಿತ ಮಿತ ಸೂಕ್ತ ರೀಲ್ಸ ನೋಡದ ಜನರೇ ಇಲ್ಲ ಎಂಬಷ್ಟರ ಮಟ್ಟಿಗೆ ಸಾಮಾಜಿಕ ಜಾಲತಾಣದಲ್ಲಿ ತುಂಬಿ ಹೋಗಿರುವ ಈ ಚಿಕ್ಕ ವಿಡಿಯೋ ತುಣುಕುಗಳು, ಒಂದರ ಹಿಂದೆ ಒಂದು ಸರಪಟಾಕಿಯಂತೆ ಬರುತ್ತಲೆ ಇರುತ್ತವೆ. ಒಮ್ಮೆ ಇಂಟರ್ನೆಟ್ ಸ್ಪರ್ಶವಾದರೆ ಸಾಕು  ನಾ ಮುಂದೆ ತಾ ಮುಂದೆ ಎಂದು ಅದೆಷ್ಟೋ ಕೋಟಿ ರೀಲ್ಸಗಳು ನಮಗೆ ದೊರೆಯುತ್ತವೆ. ಟಿಕ್ ಟಾಕ್ ಬ್ಯಾನ್ ಆದ ನಂತರ ಅದಕ್ಕೆ ಪರ್ಯಾಯವಾಗಿ ಅತಿ ಹೆಚ್ಚಾಗಿ ಬಳಕೆಯಾಗುತ್ತಿರುವ ಒಂದು ಉಪಕ್ರಮ ಇದು. ಯಾವುದೇ ವಯಸ್ಸಿನ ಮಿತಿ ಇಲ್ಲದೆ ಎಲ್ಲರೂ ಈ ರೀಲ್ಸನ ಹುಚ್ಚು ಅಭಿಮಾನಿಗಳಾಗುತ್ತಿದ್ದಾರೆ. ಕೆಲವರು ರೀಲ್ಸ ಮಾಡುವವರಾದರೆ ಇನ್ನು ಕೆಲವರು ಅದರ ವೀಕ್ಷಕರು ಒಟ್ಟಿನಲ್ಲಿ ಒಂದಲ್ಲ ಒಂದು ತರದಲ್ಲಿ ನಾವೆಲ್ಲಾ ಸಂಭಂದಿಕರೇ ಆಗಿದ್ದೇವೆ. ಜನಪ್ರಿಯತೆ ಪ್ರಶ್ನೆ ಕೆಲವರದ್ದಾದರೆ ತಮ್ಮ ಖುಷಿಗೆ ತಾವು ರೀಲ್ಸ ಮಾಡುವ ಮಂದಿ ಎಷ್ಟೋ ಇದ್ದಾರೆ. ನೂರು, ಸಾವಿರ ಮತ್ತು ಮಿಲಿಯನ್ಗಟ್ಟಲೆ ವೀಕ್ಷಣೆಹೊಂದುವ ರೀಲ್ಸಗಳು ನಮ್ಮ ಎದುರಿವೆ. ಒಂದು ಎರಡುಗಂಟೆಗಳ ಸಿನಿಮಾಗಳು ಸಹ ಕೆಲವೊಮ್ಮೆ ಇಷ್ಟು ವಿಕ್ಷಣೆಹೊಂದುವಲ್ಲಿ ಸೋತಿರಬಹುದು. ಆದರೆ ಈ ಕ್ಷಣ ಮಾತ್ರದ ವಿಡಿಯೋಗಳು ಆ ಸ್ಥಾನವನ್ನು ಕೆಲವು ಬಾರಿ ಗಿಟ್ಟಿಸಿಕೊಳ್ಳುತ್ತವೆ. ಇದರಲ್ಲಿ ಟ್ರೆಂಡ್ ಸೆಟ್ಟಿಂಗ್ ಎನ್ನುವ ಅಂಶ ಕಂಡುಬರುತ್ತದೆ. ಒಂದು ಹಾಡು, ಒಂದು ಉಡುಗೆ, ಒಂದು ಮಾತು ಇದರ ಪುನರಾವರ್ತನೆ ಅಥವಾ ಅನುಕರಣೆಯೇ ಈ ವಿಡಿಯೋದ ಮೂಲ ವಸ್ತು ಆಗಿರುತ್ತದೆ. ಇದರಿಂದ ಎಷ...